विकासकामांसाठी छाटलेल्या झाडांचे लाकूड स्मशानभूमीत अंत्यविधीसाठी मोफत उपलब्ध होणार:- स्थायी समिती सभापती अभिषेक बारणे यांची माहिती

पिंपरी चिंचवड महानगरपालिका कार्यक्षेत्रात विविध विकासकामांसाठी छाटण्यात आलेल्या झाडांचे लाकूड आता स्मशानभूमीत अंत्यविधीसाठी नागरिकांना मोफत उपलब्ध करून दिले जाईल, अशी महत्त्वपूर्ण माहिती स्थायी समितीचे सभापती अभिषेक बारणे यांनी दिली आहे.

शहरात सुरू असणाऱ्या विविध विकासकामांच्या वेळी सुरक्षिततेच्या व नियोजनाच्या कारणास्तव काही झाडे छाटावी लागतात किंवा पाडावी लागतात. या लाकडाचा सुयोग्य व समाजोपयोगी पुनर्वापर व्हावा यासाठी महापालिकेच्या स्मशानभूमींमध्ये अंत्यसंस्कारासाठी हे लाकूड विनामूल्य उपलब्ध करून देण्याचा निर्णय घेण्यात आला आहे. यामुळे सर्वसामान्य नागरिकांना मोठा दिलासा मिळणार आहे.